Һаумы, һаумы, әкиәт!

Әкиәт менән һәр саҡ дуҫ йәшәйбеҙ,

Әкиәт бит ул серҙәр донъяһы!

Ниндәй моңһоу булыр ине икән

Әгәр ерҙә тылсым булмаһа...

Бик борондан килә әкиәттәр,

Яҙылмаған улар бер көндө.

Йылдар үтә, һыуҙар аға,

Ә әкиәт йәшәй бөгөн дә!

Әкиәт – ул халыҡтың уй-хыял емеше. Шуныһы мөһим: ул һәр саҡ изгелектең тантана итеүе, геройҙың еңеүе менән тамамлана.

Әкиәт геройы – халыҡтың яҡты һәм ҡанатлы хыялдарын үҙендә кәүҙәләндергән ыңғай персонаж. Тап бына ошо яғы менән әкиәт ҙур тәрбиәүи көскә эйә.

Халыҡ ижадының ошо жанры буйынса,

ҡалабыҙҙың Балалар ижады үҙәгендә күркәм байрам "Һаумы, һаумы, әкиәт!" төбәк- ара конкурсының муниципаль этабы беҙҙең "Аленушка" балалар баҡсаһы өсөн бик тә һөйөнөслө булды. "Әкиәтте сәхнәләштереү" номинацияһында беҙҙең төркөмөбөҙ тәрбиәләнеүселәре 3-сө урынға лайыҡ булды. "Әкиәтте яңғыҙ һөйләүселәр" номинацияһында "Аҡбуҙат" төркөмө тәрбиәләнеүсеһе Зәбитова Асия, "Мультипликацион фильм" әҙерләү номинацияһы буйынса Хисмәтуллин Эльбрус ҡатнашты.

Киләсәктә лә ижади уңыштар һеҙгә!!!